Amerikanın nüvə sualtı qayıqları siyasətçilərin bəyanatlarından asılı olmayaraq döyüş növbətçiliyindədir. Rusiya prezidentinin mətbuat katibi Dmitri Peskov sosial şəbəkələrdə ABŞ prezidenti Donald Trampla Rusiya Təhlükəsizlik Şurasının sədr müavini Dmitri Medvedyevin uzaqdan müzakirəsini belə şərh edib.
“Belə olan halda, Amerika sualtı qayıqlarının artıq döyüş növbətçiliyində olduğu açıq-aydın görünür. Bu, davam edən prosesdir”, – Kreml sözçüsü bildirib.
Bundan əvvəl ABŞ prezidenti “Truth Social” sosial şəbəkəsində məlumat vermişdi ki, o, guya Rusiya Təhlükəsizlik Şurasının sədr müavininin açıqlamalarına görə Amerikanın iki nüvə sualtı qayığını müvafiq ərazilərə yenidən yerləşdirməyə göstəriş verib. Trampın nöqteyi-nəzərindən Medvedev nüvə problemi ilə bağlı təxribat xarakterli bəyanatlar verib. (Tass)