Moskva Bakı ilə Dağlıq Qarabağdakı rus sülhməramlılarının gələcək taleyini müzakirə edəcək, eyni zamanda Yerevanla da təmasları davam etdirəcək, Rusiya prezidentinin mətbuat katibi Dmitri Peskov jurnalistlərə bildirib.
“İndi doğrudan da, onlar [Rusiya sülhməramlıları] de-fakto və de-yure Azərbaycan ərazisindədirlər, bunu Ermənistanın baş naziri [Nikol] Paşinyan tanıyır”, – Kreml nümayəndəsi bildirib. “Onların sonrakı qalma rejiminə və bununla bağlı bütün üsullara gəlincə, əlbəttə ki, bu, Azərbaycan tərəfi ilə müzakirə olunacaq”, – Peskov bildirib. Eyni zamanda o əlavə edib ki, “əlbəttə ki, Rusiya Federasiyası erməni dostları ilə əlaqələri davam etdirəcək”.
Kreml nümayəndəsi aydınlaşdırıb ki, Rusiya prezidenti Vladimir Putinlə Paşinyan arasında telefon danışığı zamanı Rusiya sülhməramlı kontingentinin yenidən yerləşdirilməsinin mümkünlüyü məsələsi müzakirə olunmayıb.
Oktyabrın 10-da Paşinyan bildirib ki, Rusiya sülhməramlı kontingenti Dağlıq Qarabağı tərk edərsə, o zaman Rusiyaya qayıtmalıdır.
Paşinyan sonuncu dəfə sentyabrın 20-də Putinə zəng edib.(Tass)
