Rusiya prezidentinin mətbuat katibi Dmitri Peskov jurnalistlərə bildirib ki, Vaşinqton istənilən dünya nizamının Amerika mərkəzli olmasını istəyir, lakin bu, artıq baş verməyəcək.
“Birləşmiş Ştatların, bu və ya digər şəkildə, hansı dünya nizamından bəhs etməsindən asılı olmayaraq, istədikləri Amerika mərkəzli dünya nizamıdır. Yəni, Birləşmiş Ştatların ətrafında fırlanan dünya. Bu, artıq belə olmayacaq”.
Kreml nümayəndəsi Amerika prezidenti Co Baydenin bəşəriyyətə yeni dünya düzəninə ehtiyacı var və ABŞ onu qura bilər sözlərini belə şərh edib.
Peskov bildirib ki, Kreml Baydenin dünyanın yeni dünya nizamına ehtiyacı olması ilə razılaşır, lakin ABŞ-ın onu qura biləcəyi ilə razılaşmır. (Tass)
