Şimali Atlantika Alyansı qarşıdurma bloku kimi öz funksiyalarını yerinə yetirir və Rusiyanı hərbi infrastrukturla mühasirəyə almağa davam edir. Bunu Rusiya prezidentinin mətbuat katibi Dmitri Peskov Serbiya prezidenti Aleksandr Vuçiçin Qərbin Rusiya ilə münaqişəyə hazırlaşdığı barədə bəyanatlarını şərh edərkən deyib.
“Şimali Atlantika Alyansı öz hərbi infrastrukturunu sərhədlərimizə doğru irəliləməyə davam edir, bizim üçün təhlükə yaradan hərbi infrastrukturu ilə bizi əhatə etməyə davam edir”, – Kreml sözçüsü bildirib.
Peskov NATO-nun “qarşıdurma bloku” olduğunu vurğulayıb. “O, əslində, qarşıdurma vəzifələrinə uyğunlaşdırılmışdır – və öz funksiyalarını yerinə yetirir” Rusiya Federasiyası Prezidentinin mətbuat katibi qeyd edib. (Tass)