Rusiya prezidentinin mətbuat katibi Dmitri Peskov brifinqdə bildirib ki, Rusiya NATO-nun Avropada başlayan “Sabit Müdafiəçi 2024” hərbi təlimini təhlükə hesab edir. O xatırladıb ki, alyans Moskva ilə qarşıdurma üçün yaradılıb, ona görə də Rusiya Federasiyası lazımi tədbirləri görür.
Peskovun sözlərinə görə, Rusiya NATO təlimlərini “birmənalı olaraq təhdid kimi qəbul edir”, çünki “NATO qarşıdurma alətidir”: alyans beləliklə “fikirlənib, formalaşıb, konfiqurasiya edilib və hazırda ABŞ tərəfindən idarə olunur”.
“Bu, bizim üçün təhlükədir, biz ona belə yanaşırıq. Bunun üçün daim müvafiq tədbirlər görülür – xüsusən də alyansın bir neçə onilliklər ərzində davamlı olaraq öz hərbi infrastrukturunu sərhədlərimizə doğru hərəkət etdirməsi fonunda”, – Peskov vurğulayıb. (Tass)