İsrail İslam ölkələrində sabitliyi pozmaq üçün terroru yayır. Bu fikri İran prezidenti Məsud Pezeşkian Qətər əmiri Şeyx Təmim Bin Həməd Al Tani ilə telefon danışığı zamanı deyib.
“Suriyanın şimalında terrorçu qrupların fəallaşmasından danışan Pezeşkian deyib ki, [Yaxın Şərq] regionunda qeyri-sabitlik və terrorizmin yayılması heç bir ölkənin maraqlarına xidmət etmir, regionun bütün ölkələri buna qarşı mübarizədə iştirak etməlidir. Pezeşkian həmçinin sionist rejimin (İsraili nəzərdə tutur ) islam dünyasında qeyri-sabitlik və terrorizmin yayılmasında roluna diqqət çəkib”.
Qətər əmiri qeyd edib ki, “Suriyadakı vəziyyət bir daha sübut edir ki, orada sabitlik və təhlükəsizliyə yalnız dialoq və siyasi həll yolu ilə nail olmaq olar”. Doha “Suriyada sülhün bərqərar olunmasında öz rolunu oynamağa hazırdır” deyib. (Tass)