İranda keçirilən növbədənkənar prezident seçkilərində 14 milyon səs (ümumilikdə 61 milyon seçici) hesablandıqdan sonra islahatçı qanaddan olan keçmiş səhiyyə naziri Məsud Pezeşkiyan mühafizəkar Səid Cəlilini qabaqlayıb. Bu barədə İslam Respublikasının Seçki Qərargahının nümayəndəsi Möhsün Eslami məlumat verib.
Onun IRIB telekanalında verdiyi məlumata görə , 58 min seçki məntəqəsindən 37 mininin bülletenlərini emal etdikdən sonra Pezeşkiyan 5,955 milyon, İranın mənəvi liderinin Respublika Ali Milli Təhlükəsizlik Şurasındakı nümayəndəsi Cəlili isə 5,56 milyon səs toplayıb.
Qələbə qazanmaq üçün namizəd 50%-dən çox səs toplamalıdır. Əks halda iyulun 5-də birinci turda ən çox səs toplayan iki namizədin mübarizə aparacağı ikinci tur keçiriləcək. (Tass)