İrana qarşı təcavüzün tamamilə dayandırılması vəziyyətin normallaşmasının yeganə həllidir. Bunu İran Prezidenti Məsud Pezeşkyan Avropa Şurasının prezidenti Antonio Kosta ilə telefon danışığı zamanı bildirib.
İran prezidentinin mətbuat xidməti onun sözlərini sitat gətirib: “Vəziyyəti normallaşdırmağın həlli onların [ABŞ və İsrailin] təcavüzünə son qoymaqdır. Biz heç vaxt gərginlik və ya müharibə axtarmamışıq və müəyyən şərtlər, xüsusən də təcavüzün təkrarlanmayacağına dair zəruri zəmanətlər yerinə yetirildiyi təqdirdə bu müharibəyə son qoymaq üçün lazımi iradəyə sahibik”.
“Bu müharibəyə və regiondakı mövcud vəziyyətə hər hansı bir bəhanə ilə istənilən xarici müdaxilənin təhlükəli nəticələri olacaq”, – deyə Pezeşkian vurğulayaraq Avropa ölkələrinə İrana qarşı siyasətlərini tənzimləməyi tövsiyə edib.