ABŞ İsrailə silah və maliyyə ötürməklə, Yaxın Şərqdə münaqişənin gərginləşməsi ehtimalını artırır. Bu qiymətləndirməni “Politico” qəzetinə ərəb ölkələrindən birinin ABŞ-da işləyən, adını açıqlamayan diplomatı deyib.
Mənbə qeyd edib ki, “İsrailə külli miqdarda avadanlıq və xeyli pul göndərməklə Birləşmiş Ştatlar [yəhudi dövlətini] eskalasiyaya ilhamlandıracaq, nəinki həll yolu tapacaq”.
Nəşr yazır ki, bir çox ərəb ölkələrinin liderləri həm açıq, həm də qeyri-rəsmi şəkildə Vaşinqtondan Fələstin-İsrail münaqişəsi zonasında atəşkəsin yaradılması üçün İsrailə təzyiq göstərməyi xahiş ediblər. Politico hesab edir ki, bu, qismən Yaxın Şərq dövlətlərinin başçılarının Qəzzadan gələn görüntülərdən həyəcanlanan vətəndaşlarının hökumətlərinin hərəkətlərindən narazılıqlarını ifadə etməyə başlayacağından qorxmaları ilə izah olunur.
Nəşr ayrıca İranın baş verənlərlə bağlı mövqeyini yazıb. Onun danışdığı amerikalı rəsmilərin sözlərinə görə, Tehran regional müharibədə maraqlı deyil, lakin ABŞ-ı Yaxın Şərq regionundan sıxışdırıb çıxarmaq istəyir. Buna görə də Politico iddia edir ki, İran Fələstinin radikal HƏMAS hərəkatını maliyyə cəhətdən dəstəkləyir, həmçinin yaraqlılara silah göndərir və onlara təlimlər verir. Eyni zamanda, İranla əlaqəli olduğu iddia edilən qruplar “çox əhəmiyyətsiz” hərbi əməliyyatlar həyata keçirirlər ki, bu da pilotsuz təyyarələr və idarə olunmayan raketlərin “ucuz” hücumlarına çevrilir. (Tass)