Vaşinqton Amerika qoşunlarının 30%-ni Avropadan çıxarmağa qərar verə bilər. Bu barədə NATO-dakı mənbəyə istinadən “Politico” məlumat yayıb.
Qəzetin mənbəsi Amerika kontingentinin Avropada əhəmiyyətli dərəcədə yenidən qruplaşmasının mümkünlüyünü bildirib. ABŞ-ın Köhnə Dünyadakı hərbçilərinin sayı ilə bağlı yekun qərar qlobal qüvvələr balansının nəzərdən keçirilməsinin nəticələrinə əsasən veriləcək. Pentaqonun yekun hesabatı sentyabrda dərc edəcəyi gözlənilir.
Nəşrdə qeyd edildiyi kimi, hazırda Avropadakı Amerika qoşunlarının sayı 90-100 min arasındadır. ABŞ-ın Avropadakı hərbi kontingentinin planlaşdırılan ixtisarı Hind-Sakit okean regionunda gərginliyin artması, həmçinin Vaşinqtonun xaricdəki mövcudluğu ilə bağlı xərclərini azaltmaq niyyəti ilə bağlı ola bilər.
ABŞ-ın dünya üzrə 1000 hərbi bazası şəbəkəsi var. 80-dən çox ölkədə ən azı 170.000 Amerika əsgəri var. Ən çox ABŞ əsgəri Yaponiya, Almaniya və Cənubi Koreyada yerləşdirilib. (Tass)