Fransanın yeni hökuməti ideoloji tərkibinin əvvəlki kabinetə bənzədiyinə görə uzun ömür sürməyə bilər. Bu qiymətləndirməni Avropanın Politico nəşri edib.
Nəşr qeyd edir ki, Fransanın “siyasi iflic”ini və ifrat sağçı və solçu qüvvələrin birləşmək imkanını nəzərə alsaq, yeni kabinet əvvəlki kimi kövrək görünür. Qəzet yazır ki, Fransanın yeni rəhbərliyinin təyinatından üç ay keçməmiş etimadsızlıq səsverməsi ilə üzləşən əvvəlki hökumətdən daha uzun müddət fəaliyyət göstərəcəyinə heç bir zəmanət yoxdur. Qəzet yeni Nazirlər Kabinetinin əsas problemini onun respublikanın keçmiş baş naziri Mişel Barnierin hökumətinə çox bənzəməsi adlandırır. Belə ki, əsas vəzifələrə əsasən mərkəzçi və mühafizəkar siyasətçilər təyin edilib.
Politico hesab edir ki, Fransanın baş naziri Fransua Bayrou daha geniş siyasi bazaya əsaslanmadığı üçün ilk böyük sınağından çıxa bilməyib. Qəzet qeyd edir ki, Fransadakı siyasi vəziyyət getdikcə populyar olmayan və idarəolunmaz görünməyə başlayan bir ölkəyə rəhbərlik edən prezident Emmanuel Makron üçün böyük problemlər yaradır. Qəzet hesab edir ki, bu, Avropa İttifaqını da narahat edir, çünki ənənəvi olaraq bloku irəli aparan ikinci ən böyük iqtisadiyyat əslində durğunluq içindədir. (Tass)