İsrail İranın raket hücumlarına cavab olaraq Suriya və ya Yəməndə Tehranın dəstəklədiyi birləşmələrə və ya birbaşa İslam İnqilabı Keşikçiləri Korpusunun qüvvələrinə (İİKK, İran Silahlı Qüvvələrinin elit bölmələri) zərbələr endirə bilər. Bu barədə Amerika administrasiyasındakı mənbələrə istinadən “Politico” qəzeti yazıb.
“Co Baydenin köməkçiləri qeyd ediblər ki, Birləşmiş Ştatlar [İranın hücumuna] cavab tədbirləri ilə bağlı İsraillə fəal şəkildə məşğuldur, buna hərbi zərbə də daxil ola bilər. Digər şeylər arasında İranın dəstəklədiyi milislərə və ya birbaşa SEPAH-a hücum ehtimalı var. Yəmən və ya Suriyadakı qüvvələr nəzərdən keçirilir”, – qəzet mənbələrə istinadən yazır. O qeyd edir ki, ABŞ administrasiyası “məhdud reaksiya”nın tərəfdarıdır, eyni zamanda “prezidentin [Baydenin] regiondakı hadisələrə təsirinin əhəmiyyətli dərəcədə azaldıla biləcəyini” vurğulayır. (Tass)