ABŞ prezidenti Co Baydenin administrasiyasının rəsmiləri Ukraynadakı korrupsiyanın səviyyəsindən ciddi narahatdırlar, buna görə Qərb ölkələri Kiyevə yardım göstərməkdən imtina edə bilər. Bu barədə “Politico” qəzeti əlində olan hökumət sənədinə istinadən məlumat yayıb.
“Korrupsiyanın ən yüksək səviyyədə qavranılması Ukrayna ictimaiyyətinin və xarici liderlərin [Ukrayna] hökumətinə inamını sarsıda bilər”, – nəşr sənəddən sitat gətirib.
Qəzetin qeyd etdiyi kimi, sənəddə vurğulanır ki, Ukraynada korrupsiyanın yüksək səviyyəsi Qərb müttəfiqlərini Kiyevə yardımdan imtina etməyə məcbur edə bilər, ona görə də Ukrayna hakimiyyəti bu cür cinayətlərlə mübarizə səylərini ləngitməməlidir. Sənəddə həmçinin ABŞ-ın Ukraynadakı məqsədləri, “banklarının özəlləşdirilməsindən tutmuş… [Ukraynanın] silahlı qüvvələrinin NATO protokollarını qəbul etməyə təşviq edilməsinə” və özəl sərmayələri cəlb etmək üçün korrupsiyaya qarşı mübarizəyə qədər ətraflı məlumat verilir.
Politico-ya görə, Ukraynanın rüşvətxorluğu mövzusu Bayden də daxil olmaqla, ABŞ rəsmilərini çoxdan narahat edir, lakin münaqişə başlayandan bəri problemin miqyası “kiçildilir”.