ABŞ Prezidenti Donald Tramp yaxın ətrafına ABŞ Hökumətinin Səmərəliliyi Departamentinə (DOGE) nəzarət edən İlon Maskın oynadığı siyasi rolun yaxın həftələrdə azalacağını bildirib. Bu barədə Amerikanın “Politico” qəzeti məlumat yayıb.
Onun mənbələri Trampın “Musk və DOGE-dən razı qaldığını” söyləyib, lakin hər ikisi “son günlərdə qərar veriblər ki, Musk tezliklə sahibkarlığa qayıtmalı və siyasət baxımından dəstəkləyici rol oynamalı olacaq”. Nəşr qeyd edir ki, Tramp bu barədə “yaxın adamlarına, o cümlədən Nazirlər Kabinetinin üzvlərinə” məlumat verib.
Nəşrin yazdığına görə, Maskın rolu çox güman ki, ABŞ federal hökuməti adından iş görən “xüsusi dövlət işçisi” statusunu itirdikdən sonra azalacaq. Bunun mayın sonu və ya iyunun əvvəlində baş verəcəyi gözlənilir. (Tass)