Polşa hakimiyyəti qanunsuz miqrasiyaya qarşı mübarizə çərçivəsində Belarusla sərhəddə qoruyucu divarı modernləşdirməyə qərar verib. Bu barədə Polşanın Baş naziri Donald Tusk finlandiyalı həmkarı Petteri Orpo ilə danışıqlardan sonra jurnalistlərə bildirib.
“Biz [Polşanın daxili işlər naziri Marçin Kiervinski] ilə birlikdə sərhəd hasarını tez bir zamanda modernləşdirməyə qərar verdik. Adekvat maliyyə ayrılacaq”, – Polşanın baş naziri bildirib. Tusk onu da qeyd edib ki, Polşa qeyri-qanuni miqrasiya ilə mübarizə ilə əlaqədar ölkənin sərhədlərin bağlanmasından zərər çəkmiş regionları üçün Aİ-nin vəsaitlərinin ayrılmasını israr edəcək.
2022-ci ildə Polşa hakimiyyəti qanunsuz miqrantlardan qorunmaq üçün Belarusla sərhəddə hündürlüyü 5,5 m və uzunluğu 186 km olan polad qəfəs bloklarından divar tikib. Tikintinin dəyəri 278 milyon dollar olub.Bu il oktyabrın 15-də Polşa sakinləri referendumda divarın sökülməsinin əleyhinə səs veriblər. (Tass)
