Polşanın yeni hökumətin ilk nümayəndə heyəti hərbi-sənaye kompleksi mövzusunda məsləhətləşmələr aparmaq üçün Cənubi Koreyaya gəlib. Bu barədə Yonhap agentliyi Cənubi Koreyanın Müdafiə Alma Proqramları İdarəsinə istinadən məlumat yayıb.
Polşa nümayəndə heyətinə müdafiə nazirinin müavini Pavel Beyda da daxil olmaqla 20 nəfər daxildir. Bu, 2023-cü ilin dekabrında baş nazir Donald Tuskun yeni hökumətinin hakimiyyətə gəlişindən sonra Polşadan yüksək səviyyəli rəsmilərin Cənubi Koreyaya ilk səfəridir. Polşa rəhbərliyinin dəyişməsi Seulda qorxuya səbəb olub ki, yeni hakimiyyət əvvəllər bağlanmış müqavilələrdən imtina edə bilər.
Bazar ertəsi Müdafiə Alma Proqramı Ofisinin rəhbəri Seok Conq Qon nümayəndə heyəti ilə görüşüb və hərbi-sənaye kompleksində əməkdaşlığın genişləndirilməsi ilə bağlı təklifləri müzakirə edib. Polşa tərəfi yeni hökumətin bu sahədə əməkdaşlığı davam etdirməyə hazır olduğunu təsdiqləyib.
Bir həftəlik səfər zamanı Polşa rəsmilərinin Cənubi Koreyanın bir sıra müdafiə sənayesi firmalarına, hərbi hissələrinə baş çəkmələri və xüsusi olaraq Polşaya ixrac üçün hazırlanmış Chunmoo MLRS modifikasiyasının nümayiş atəşini müşahidə etmələri planlaşdırılır. Yonhap xəbər verir ki, Avropa dövlətinin nümayəndələri “texniki xüsusiyyətləri yoxlayacaq və müqavilələrin şərtlərini müzakirə edəcəklər”. (Tass)
