Polşa və Böyük Britaniyanın xarici işlər nazirləri Radoslav Sikorski və Devid Kemeron ABŞ Konqresinin Nümayəndələr Palatasını Ukraynaya maliyyə yardımını təsdiqləməyə çağırıblar. Bu çağırış nazirlərin Varşavada Polşa televiziyası tərəfindən yayımlanan birgə mətbuat konfransında səsləndirilib.
“Mən istərdim ki, bunu bizim ABŞ Nümayəndələr Palatasına, xüsusən də spiker Mayk Consona Ukraynaya yardım paketini səsverməyə çıxarmaq üçün etdiyimiz ümumi çağırış kimi şərh edəsiniz”, – Polşanın xarici siyasət idarəsinin rəhbəri bildirib.
“Bu, dünyadakı müttəfiqlərinin ABŞ-a olan etimadına təsir edəcək mühüm qərardır. Biz yardım paketinin qəbul edilməsinə çağırırıq”, – Sikorski əlavə edib.
Kemeron, öz növbəsində, mümkün olduqda Ukraynaya yardımın qurumamasının vacibliyini qeyd edib. “Bu, bizim maraqlarımıza uyğundur” deyib. (Tass)