Aİ ölkələrinin milli ordularını birləşdirərək yaradılan Avropa ordusu heç vaxt yaranmayacaq. Bu fikri Polşa Xarici İşlər Nazirliyinin rəhbəri Radoslav Sikorski deyib.
“Mən “Avropa ordusu” terminindən istifadə etməmək barədə xəbərdarlıq edirəm, çünki bunun heç vaxt baş verməyəcəyinə inanıram. Avropa ordusu bəziləri tərəfindən milli orduların birliyi kimi qəbul edilə bilər və inanıram ki, bu, baş verməyəcək”, – nazir Polskie Radio-nun birinci proqramında deyib.
Vahid Avropa ordusunun yaradılması ideyası ən azı son on ildə səslənir. Ölkəsinin artıq NATO çərçivəsində Avropanın “müdafiə çətirini” təmin etməyə hazır olmadığını açıq şəkildə bildirən Donald Trampın birinci dövründə bu, daha da aktuallaşıb. 2023-cü ilin noyabrında Aİ Xarici İşlər Nazirliyinin o vaxtkı rəhbəri Josep Borrell Aİ-nin 5000 nəfərlik çevik reaksiya qüvvələrini 2025-ci ilə qədər tam əməliyyat hazırlığına çatdıracağını açıqladı. (Tass)