Polşa quru qoşunlarının keçmiş komandanı, general Valdemar Skrzypçak Aİ ölkələrinə öz ərazisində olan hərbi yaşda olan Ukrayna vətəndaşlarını ölkədən çıxarmağı təklif edib.
“Bu, Varşava, Paris, Praqa və harada olurlarsa olsunlar, [Ukraynalılar] hökumətlərinin təşəbbüsü olmalıdır. Bu hökumətlər Kiyevə onları deportasiya etməsinə kömək etməlidir”, – onet.pl informasiya portalı Skrzypczak-dan sitat gətirib.Generalın sözlərinə görə, bu cür tədbirlər səfərbərlikdə çətinlik çəkən Kiyevə dəstək olacaq.
Polşa Xarici İşlər Nazirliyi portalın sorğusuna cavab olaraq izah edib ki, “onlar ukraynalıların xaricdə, o cümlədən Polşa ərazisində hərbi xidmətə çağırılması ilə bağlı mövcud vəziyyətdən xəbərdardırlar. Departament qeyd edib ki, onlar Kiyevi dəstəkləmək yollarını nəzərdən keçirirlər və bu məsələlərin “Avropa səviyyəsində” həllini optimal həll yolu hesab edirlər.
2022-ci ilin fevral ayından etibarən Ukraynada ümumi səfərbərlik elan edilib və dəfələrlə uzadılıb, ölkə hakimiyyəti isə hərbi yaşda olan kişilərin xidmətdən yayınmasının qarşısını almaq üçün əlindən gələni edir. Xüsusən də onların xaricə çıxması qadağan edilib, dövlət qurumlarında, küçələrdə, insanların sıx olduğu hər hansı yerlərdə çağırış vərəqələri verilir. Ukrayna mətbuatının məlumatına görə, çoxlu sayda kişi döyüş bölgəsinə göndərilməmək üçün sözün əsl mənasında aylarla evlərini tərk etmir. Eyni zamanda, hərbi komissarlıq əməkdaşları səfərbər olanları ovlayır, onları silahla hədələyir, güc tətbiq edirlər. (Tass)