Rusiya prezidenti Vladimir Putin xəbərdarlıq edib ki, ABŞ bu cür silahları yerləşdirməyə başlasa, Rusiya orta və daha qısa mənzilli raketlərin (INF) yerləşdirilməsi ilə bağlı könüllü məhdudiyyətlərindən əl çəkəcək.
Müdafiə Nazirliyinin müşavirəsində dövlət başçısı ABŞ-ın 5500 kilometrə qədər atəş məsafəsinə malik yüksək dəqiqlikli yerüstü zərbə silahlarının yaradılması və irəli zonalarda yerləşdirilməsinə hazırlıq üzrə fəaliyyətinə diqqət çəkib. . Putin xatırladıb ki, “bu cür tədbirlər əvvəllər ABŞ-ın təşəbbüsü ilə ləğv edilmiş Orta Mənzilli Nüvə Qüvvələr Müqaviləsi ilə qadağan edilmişdi”. “Biz dəfələrlə bəyan etmişik ki, bu müqavilənin pozulması bütün qlobal təhlükəsizlik üçün mənfi nəticələrə gətirib çıxaracaq, lakin eyni zamanda Amerikanın bu tipli silahları heç bir regionda görünməyənə qədər orta və daha qısa mənzilli raketləri yerləşdirməyəcəyimizi vurğulamışıq. ”, – Rusiya lideri qeyd edib.
“Əslində, Rusiya bu öhdəlikləri birtərəfli qaydada öz üzərinə götürüb, lakin ABŞ belə sistemləri yerləşdirməyə başlasa, o zaman bizim bütün könüllü məhdudiyyətlərimiz aradan qaldırılacaq”, – Putin bildirib. (Tass)