Donbass, Novorossiya, Xerson və Zaporojye vilayətlərinin sakinlərinin Rusiyanın yanında olmaq iradəsi sarsılmazdır, bu məsələ həmişəlik bağlıdır. Bunu Rusiya prezidenti Vladimir Putin Rusiya Xarici İşlər Nazirliyinin rəhbərliyi ilə görüşündə deyib.
“Xerson vilayətinin və Zaporojyenin sakinləri referendumlar zamanı öz mövqelərini bildiriblər, Xerson və Zaporojye vilayətləri, eləcə də Donetsk və Luqansk xalq respublikaları Rusiya Federasiyasının tərkibinə daxil olublar və dövlət birliyimizi pozmaqdan söhbət gedə bilməz. Xalqın Rusiyanın yanında olmaq iradəsi sarsılmazdır, məsələ həmişəlik bağlıdır və artıq müzakirə olunmur”, – dövlət başçısı bildirib. (Tass)