Rusiya prezidenti Vladimir Putin azərbaycanlı həmkarı İlham Əliyevlə telefonla AZAL aviaşirkətinə məxsus sərnişin təyyarəsinin Aktau yaxınlığında qəzaya uğramasını müzakirə edib. Bu barədə Kremlin mətbuat xidməti məlumat yayıb.
“Azərbaycan Hava Yolları” QSC-yə məxsus sərnişin təyyarəsinin dekabrın 25-də Qazaxıstanın Aktau şəhəri yaxınlığında qəzaya uğraması ilə bağlı məsələlər ətraflı müzakirə edilib”, – mətbuat xidmətinin məlumatında deyilir.
Söhbətdə qeyd olunub ki, Azərbaycan təyyarəsi Ukrayna PUA-larının hücumları və Rusiya hava hücumundan müdafiə əməliyyatları zamanı Qroznıya enməyə cəhd edib. “Ciddi şəkildə qrafikə uyğun gələn Azərbaycan sərnişin təyyarəsi dəfələrlə Qroznı hava limanına enməyə cəhd edib.
Putin Əliyevdən üzr istəyib ki, Azərbaycan təyyarəsi ilə insident Rusiyanın hava məkanında baş verib. O, həmçinin həlak olanların ailələrinə başsağlığı verib. “Vladimir Putin faciəvi insidentin Rusiya hava məkanında baş verməsi ilə bağlı üzr istəyib və bir daha həlak olanların ailələrinə dərin və səmimi başsağlığı verib və yaralananların tezliklə sağalmasını arzulayıb”, – mətbuat xidmətinin bəyanatında deyilir. (Tass)
