Rusiya prezidenti Vladimir Putin Qətər əmiri Şeyx Təmim bin Həməd Al Tani ilə danışıqlara başlayıb. Görüş Kremldə keçirilir.
Liderlər əvvəlcə təkbətək görüş keçirəcək, daha sonra danışıqlar rəsmi səhər yeməyində davam edəcək. Daha sonra imzalanmış sənədlərin mübadiləsi mərasimi keçiriləcək. Kreml hər iki tərəfdən “kifayət qədər nümayəndə heyətlərinin” iştirakını elan edib.
Rusiya prezidenti ilə Qətər əmirinin ticarət-iqtisadi və humanitar sahələrə xüsusi önəm verərək ikitərəfli əməkdaşlığı, eləcə də beynəlxalq gündəliyin bir sıra əsas mövzularını müzakirə edəcəyi gözlənilir. (Tass)