Rusiya döyüş koordinasiyasını inkişaf etdirəcək, həmçinin dost dövlətlərlə təlimlər keçirəcək. Bunu Rusiya prezidenti Vladimir Putin Kremldə hərbi ali məktəblərin məzunları ilə görüşündə deyib.
“Biz qoşunların və silahların idarə edilməsi sistemini daha da təkmilləşdirmək, döyüş hazırlığının intensivliyini və keyfiyyətini artırmaq üçün bizə dost dövlətlərin iştirakı ilə təlimlər keçirmək niyyətindəyik”, – deyə dövlət başçısı qeyd edib.
Bundan əvvəl Rusiya Federasiyası KXDR ilə birgə müdafiə sazişi imzalayıb. Bundan əlavə, Moskva KTMT ölkələri və Pekinlə birgə təlimlər keçirir. (Tass)