Rusiya prezidenti Vladimir Putin Pxenyanda KXDR-in dövlət məsələləri üzrə sədri Kim Çen In ilə danışıqlara başlayaraq, iki dövlət arasında gələcək uzun illər münasibətlərinin əsasını təşkil edəcək yeni fundamental sənədin hazırlandığını qeyd edib.
“Keçən il Sizin Rusiyaya səfəriniz nəticəsində biz bu gün dövlətlərarası əlaqələrimizin qurulmasında mühüm irəliləyiş əldə etdik”-deyib.
Putin xatırladıb ki, ötən il ölkələr diplomatik münasibətlərin qurulmasının 75 illiyini, bu il isə ilk dövlətlərarası sənədin – iqtisadi və mədəni əməkdaşlıq haqqında sazişin bağlanmasının 75 illiyini qeyd ediblər. “Bildiyiniz kimi, bu sazişi yoldaş Kim İr Sen Moskvaya ilk səfəri zamanı imzalayıb”, – Rusiya prezidenti xatırladıb. (Tass)