Bu yaxınlarda KXDR-ə səfər edən Rusiya prezidenti Vladimir Putin ölkə lideri Kim Çen Ina qəbula görə təşəkkür edib.
“Hörmətli yoldaş Kim Çen In, Koreya Xalq Demokratik Respublikasında olarkən mənə və Rusiya nümayəndə heyətinə göstərilən gözəl qəbula və səmimi qonaqpərvərliyə görə Sizə ən səmimi minnətdarlığımı bildirmək istəyirəm”, – teleqramda deyilir.
Rusiya prezidenti bu səfərin xüsusi əhəmiyyət daşıdığını və Moskva ilə Pxenyan arasında münasibətləri görünməmiş yüksək səviyyəyə çatdırdığını qeyd edib.
“Bu dövlət səfəri xüsusi əhəmiyyət kəsb edirdi: o, Moskva ilə Pxenyan arasında münasibətlərin görünməmiş yüksək hərtərəfli strateji tərəfdaşlıq səviyyəsinə çatdırılmasını təmin etdi”, – teleqramda deyilir. (Tass)
