Rusiya prezidenti Vladimir Putin və Oman sultanı Heysəm bin Tarek Əl Səid Qəzzadakı vəziyyətdən narahat olduqlarını bildiriblər və İsrail qoşunlarının Fələstin ərazilərindən tamamilə çıxarılmasını istəyiblər.
“Hər iki lider Qəzza zolağındakı faciəvi vəziyyətdən dərin narahat olduqlarını bildiriblər və dərhal və davamlı atəşkəsə nail olmaq, mülki əhaliyə humanitar yardımın dərhal çatdırılmasını təmin etmək, yenidənqurma və məcburi köçkünlərin geri qaytarılması proseslərinə başlamaq üçün beynəlxalq səyləri dəstəklədiklərini bir daha təsdiqləyiblər. Onlar İsrailin Qəzza zolağından tam çıxarılmasının zəruriliyini qeyd ediblər”, – Kremldə keçirilən danışıqların yekunları üzrə qəbul edilən birgə bəyanatında deyilir. (Tass)