Rusiya prezidenti Vladimir Putin və iranlı həmkarı Məsud Pezeşkian telefonla Hərtərəfli İqtisadi Tərəfdaşlıq Sazişi çərçivəsində ikitərəfli münasibətlərin inkişafını müzakirə ediblər. Söhbətin məzmunu barədə Kremlin mətbuat xidməti məlumat yayıb.
“Hərtərəfli Strateji Tərəfdaşlıq Sazişi əsasında Rusiya-İran əməkdaşlığının daha da inkişaf etdirilməsi məsələləri ətraflı müzakirə edilib”, – məlumatda deyilir. “Qarşılıqlı faydalı ticarət və investisiya əlaqələrinin, o cümlədən nəqliyyat və energetika sahəsində birgə iri layihələrin həyata keçirilməsi yolu ilə genişləndirilməsinə xüsusi diqqət yetirilib”.
Putin və Pezeşkian həmçinin Rusiya-İran əməkdaşlığını və xarici siyasət yolunda koordinasiyanı gücləndirmək üçün işləri aktivləşdirmək barədə razılığa gəliblər. (Tass)