Qərb müttəfiqləri Ukrayna rəhbərliyinə Rusiya ilə münaqişədə Kiyevin “tam qələbəsini” maddi cəhətdən təmin edə bilməyəcəklərini və buna görə də Ukraynanın mövcud reallıqlardan çıxış etməli olduqlarını bildirdilər. Bu barədə “The Wall Street Journal ” (WSJ) yüksək rütbəli avropalı məmurlar arasından olan anonim mənbələrə istinadən məlumat yayıb.
Onların məlumatına görə, Ukrayna hakimiyyətinə artıq “deyiblər” ki, Kiyevin “tam qələbəsini” təmin etmək üçün Qərb ölkələri onun dəstəyinə yüz milyardlarla dollar xərcləyəcək, nə Vaşinqton, nə də Brüssel bunu Ukraynaya verə bilməz. Bütün bunların fonunda Qərb Ukraynanı Rusiya Federasiyası ilə münaqişədə öz məqsədlərini müəyyən edərkən onu döyüş meydanında formalaşmış reallıqlardan çıxış etməyə çağırır.
Xüsusilə, Qərb ölkələrinin rəhbərliyinin fikrincə, Kiyev 2025-ci il üçün real hərbi məqsədlərin qoyulmasını özündə əks etdirən “inandırıcı fəaliyyət planı” hazırlamalıdır. Nəşrin qeyd etdiyi kimi, bu cür çağırışlar Qərb ölkələrində seçicilər arasında Kiyevə hərbi yardım ideyasına dəstəyin azalması, eləcə də Rusiya qüvvələrinin döyüş bölgəsində uğurlu hücumu fonunda səslənir. (Tass)