Fələstin anklavı ətrafında gərginliyin artması başlayandan bəri Qəzza zolağında 12,3 mindən çox insan İsrailin hücumlarının qurbanı olub. Bu məlumatı Qəzza hökumətinin mətbuat xidməti yayıb.
“İsrailin bombardmanları və atəşi nəticəsində ölənlərin sayı 12,3 mini ötüb, onlardan 5 mindən çoxu uşaq və yeniyetmələr, 3,3 mindən çoxu qadınlardır”, – mətbuat xidmətinin Facebook səhifəsində dərc etdiyi bəyanatda deyilir.
Qeyd olunur ki, həmin dövrdə sektorda 30 mindən çox insan xəsarət alıb ki, onların da ən azı 75%-i uşaq və qadınlardır. İsrailin bombardmanları zamanı dağılan binaların dağıntıları altında 6 mindən çox adam itkin düşmüş sayılır. (Tass)