Qərb Ukraynaya bənzəyən Rusiya yaxınlığında digər gərginlik ocaqlarını alovlandırmağı planlaşdırır, lakin Moskva bunu diqqətdən kənarda qoymayacaq, – bunu Rusiya sərgi-forumu çərçivəsində Bilik Cəmiyyəti marafonunda çıxış edən Rusiya Təhlükəsizlik Şurasının katibi Nikolay Patruşev bildirib.
“Qərbin planlarına bizim sərhədlərimizin perimetri boyunca Ukrayna kimi qaynar nöqtələrin yaradılması daxildir. Rusiya öz milli maraqları olan böyük dövlət kimi bu cəhdləri diqqətlə izləyir və onları nəzarətsiz qoymur”, – o, xəbərdarlıq edib.
Patruşev Mərkəzi Asiya və Qafqazda terror təhlükələri, rəngli inqilablar, nəzarətsiz narkotik ticarətinin birgə müdafiənin təmin edilməsi zərurətini yaratdığına və buna görə də Kollektiv Təhlükəsizlik Müqaviləsi Təşkilatının 2002-ci ildə yaradıldığına diqqət çəkib.
“Bu müddət ərzində o, müstəqil dövlətlərin tamhüquqlu regional hərbi-siyasi birliyinə çevrilib. KTMT-nin Kollektiv Sülhməramlı Qüvvələrinin fəaliyyətinin effektivliyi və səmərəliliyi 2022-ci ilin yanvarında Qazaxıstanda terrorçu və ekstremistlərin məhv edilməsi zamanı nümayiş etdirilib”- deyə Patruşev bildirib. (Tass)