İran Qərbin ona qarşı mümkün sanksiyaları bərpa etməsinə mütləq cavab verəcək və Nüvə Silahlarının Yayılmaması Müqaviləsindən (NPT) çıxması istisna edilmir. Bu barədə Nyu-Yorkda BMT tədbirlərində iştirak edən İran xarici işlər nazirinin müavini Kazem Qaribabadi məlumat verib.
“Snapback (sanksiyaların bərpası). Mən NPT-dən çıxmağı istisna etmədim, çünki bu, bizim əvvəlki administrasiyamızın verdiyi qərar idi. Bu, hələ də danışıqlar masasındadır. Amma İran başqa nə edərdi? Bu, [Tehran rəhbərliyi tərəfindən] nəzərdən keçirilməkdə davam edir”, – Qəribabadi jurnalistlər üçün brifinqdə qeyd edib.
“İran mütləq reaksiya verəcək. Mütləq cavab olacaq”, – XİN rəhbərinin müavini vurğulayıb. Onun sözlərinə görə, “reaksiyanın bir hissəsi əvvəlcədən müəyyən edilib”. (Tass)