“Aydınlığa doğru” Milli-Mənəvi Dəyərlərin Qorunması İctimai Birliyinin təşkilatçılığı ilə “Qloballaşan dünyada inancın əhəmiyyəti” mövzusunda seminar keçirilib.
Ritorika.az yazır ki, tədbirdə çıxış edən fəlsəfə doktoru, dinşünas Elvüsal Məmmədov Allahın inkarının insan həyatında heçliyə, mahiyyətsizliyə yol açdığını bildirib.
Natiqin sözlərinə görə sovet maarifçilik dövrü kimi aşkar bildirməsə də, Qərb dünyası mədəniyyət istehsalı və yayımı yolu ilə, eləcə də elmin inkişafı ilə Allahın inkarını yayırlar. Qərb fəlsəfəsi insanı spontan varlıq kimi təsadüfün məhsulu hesab edir. Cəmiyyətə “kosmik yetim” adı verir.
Dinşünas bildirib ki, həqiqət budur ki, Allahın inkarı “domino effekti” yaradır. Yəni hər şey ardıcıl məhv olur. Nəticədə hər hansı subyektiv və obyektiv varlıqdan söhbət gedə bilməz.
E.Məmmədov cəmiyyətin mənəvi fonda yaşamağın məqsədə aparan mahiyyət olduğunu “Allah yoxdursa, obyektiv əxlaq da yoxdur” tezisi ilə və özünün digər aksiomları ilə əsaslandırıb.
Ritorika.az
