Fələstinin HƏMAS hərəkatı ilə İsrail arasında Qəzza zolağında münaqişənin həlli üçün aparılan dolayı danışıqlar dalana dirənib. Bunu Qətərin hökumət başçısı, xarici işlər naziri Şeyx Məhəmməd bin Əbdül Rəhman Əl Tani deyib.
“Biz münaqişə üçün bəzi yaradıcı həll yolları tapmağa çalışırıq, lakin onların heç biri indiyə qədər nəticə verməyib. Hətta təklif etmişdik ki, əgər HƏMAS-ı İsrail üçün məqbul olan addım-addım [böhranı həll etmək] planı ilə razılaşmağa razı sala bilsək, o zaman BMT Təhlükəsizlik Şurası tərəfindən monitorinq mexanizmi yaradılsın ki, müharibənin dayandırılmasına yönəlmiş danışıqlar məhdud müddətə aparılsın”. Madriddə Fələstin-İsrail münaqişəsinin həllinə həsr olunmuş nazirlər toplantısının açılışında bildirib.
Əl-Tani aydınlaşdırıb ki, Qəzza zolağı ilə bağlı Dohada keçirilən danışıqlarda vəziyyət elədir ki, İsrail yalnız Fələstin anklavında saxlanılan girovların azad edilməsi ilə bağlı razılaşma əldə etmək niyyətindədir, HƏMAS isə müharibəni tamamilə dayandırmaqda israrlıdır. “Düşünürəm ki, biz çıxılmaz vəziyyətə düşmüşük” deyib Qətərin baş naziri. (Tass)