Qətər Suriyada nizamlanma ilə bağlı Astana formatında Dohada görüşün keçiriləcəyini təsdiqləyə bilməz, lakin bu məsələdə qarşılıqlı fəaliyyətə açıqdır. Bu barədə baş nazirin müşaviri, əmirliyin Xarici İşlər Nazirliyinin rəsmi nümayəndəsi Məcid bin Məhəmməd əl-Ənsari brifinqdə məlumat verib.
“Biz həmişə regionda sülh, münaqişələrin həlli və deeskalasiyanın təşviqinə gətirib çıxara biləcək hər hansı səylərə ümid edirik. Və biz hər hansı mümkün qarşılıqlı əlaqə üçün qapıları bağlamırıq, lakin hazırda əlimizdə heç bir sübut yoxdur”. Qətərin paytaxtında Rusiya, Türkiyə və İranın iştirakı ilə görüş keçirmək planları ilə bağlı sualı cavablandırarkən deyib. “Hazırda təsdiq edə bilərəm ki, Dohada belə bir görüşün keçirilməsindən xəbərimiz yoxdur”, – Qətər Xarici İşlər Nazirliyinin nümayəndəsi bildirib.