İsrail və Fələstinin HƏMAS hərəkatı arasında Qəzza zolağında atəşkəslə bağlı razılaşmaların əldə edilməsi vaxt aparacaq və Doha danışıqlarının yekunlaşması üçün konkret vaxt çərçivəsi adlandırmaq çətindir. Bunu Qətər baş nazirinin müşaviri və Xarici İşlər Nazirliyinin rəsmi nümayəndəsi Məcid bin Məhəmməd əl-Ənsari deyib.
O, brifinqdə İsrail və HƏMAS-ın yeni sazişin şərtləri ilə bağlı razılığa gəlməli olacağı vaxt çərçivəsinin olub-olmaması ilə bağlı sualı cavablandırarkən, “Hazırda hər hansı bir zaman cədvəli verə biləcəyimi düşünmürəm, amma indi deyə bilərəm ki, bunun üçün vaxt lazımdır. Bu proses vaxt tələb edir”.
Qətər Xarici İşlər Nazirliyinin sözçüsü danışıqlarçıların Həmas və İsrail nümayəndələri ilə ayrı-ayrılıqda apardıqları məsləhətləşmələr barədə ətraflı məlumat verməkdən imtina edib. “Bizim deyə biləcəyimiz yeganə şey odur ki, hər iki tərəfdən qarşılıqlı əlaqə var”, – əl-Ənsari deyib.