Baş nazirin müşaviri və əmirliyin Xarici İşlər Nazirliyinin rəsmi sözçüsü Məcid bin Məhəmməd əl-Ənsarinin sözlərinə görə, Qətər hakimiyyəti son bir neçə gündə ictimai xəbərdarlıq sistemlərinin aktivləşdirilməsini tələb edən bir dənə də olsun hücum qeydə almayıb.
“Son bir neçə gün ərzində ictimaiyyətə xəbərdarlıq tələb edən bir dənə də olsun hücum qeydə almamışıq ki, bu da açıq-aydın müsbət bir irəliləyişdir”, – deyə o, brifinqdə bildirib. O, Doha sakinlərinin cümə axşamından bəri artan təhlükəsizlik təhdidi ilə bağlı Qətər Daxili İşlər Nazirliyindən heç bir xəbərdarlıq almadığını qeyd edən bir jurnalistə münasibət bildirib. Diplomat vurğulayıb ki, ölkə “fırtınanın gözündə qalır”, ona görə də silahlı qüvvələr yüksək səviyyədə hazırlıqlıdır və vəziyyəti yaxından izləyir.