2023-cü ilin oktyabrından Qəzza zolağında hərbi əməliyyatlar nəticəsində həlak olan fələstinlilərin sayı 52,5 mini keçib. Bu barədə anklavın Səhiyyə Nazirliyi öz Telegram kanalında məlumat yayıb.
“2023-cü ilin oktyabr ayından Qəzzada hərbi əməliyyatların qurbanlarının sayı 52 535 nəfərə yüksəlib, 118 491 nəfər yaralanıb”, – məlumatda deyilir. Departament əlavə edib ki, son 24 saat ərzində Qəzzada 40 ölü və 125 yaralı xəstəxanalara yerləşdirilib.
Fələstinin HƏMAS radikal hərəkatının silahlı tərəfdarlarının 2023-cü il oktyabrın 7-də Qəzza zolağından İsrail ərazisinə daxil olması, sərhəd yaşayış məntəqələrinin sakinlərinin qətli və əsirlərin girov götürülməsi ilə müşayiət olunandan sonra Yaxın Şərqdə vəziyyət kəskin şəkildə pisləşib. Radikallar hücumu İsrail hakimiyyətinin Qüdsdəki Əl-Əqsa məscidinə qarşı hərəkətlərinə cavab adlandırıblar. Buna cavab olaraq İsrail HƏMAS-ın hərbi və siyasi strukturunu məhv etmək və qaçırılanların hamısını azad etmək məqsədi ilə anklavda hərbi əməliyyata başlayıb. (Tass)