İsrail hərbçilərinin 2023-cü ilin oktyabrında anklavda əməliyyata başlayandan bəri Qəzza zolağında keçirdiyi əməliyyatlar nəticəsində 38,3 minə yaxın insan həlak olub, 88,2 mindən çox insan yaralanıb. Bu məlumatı Fələstin sektorunun Səhiyyə Nazirliyi təqdim edir.
“Ötən ilin oktyabrından bu günə qədər İsrailin Qəzzaya təcavüzü qurbanlarının sayı artaraq 38 295 nəfərə çatıb, daha 88 241 nəfər yaralanıb”, – idarənin rəsmi Telegram kanalında dərc olunan xülasədə deyilir. Səhiyyə Nazirliyi bildirib ki, “son 24 saat ərzində İsrail qüvvələrinin Qəzzanın müxtəlif bölgələrini atəşə tutması və hava hücumları nəticəsində 52 fələstinli həlak olub, 208 nəfər yaralanıb”. (Tass)