Fələstin anklavının Səhiyyə Nazirliyi 2023-cü ilin oktyabrında İsrail hərbçilərinin əməliyyatları nəticəsində Qəzza zolağında həlak olan fələstinlilərin sayının 41,9 minə yaxınlaşdığını bildirir.
“İsrailin 2023-cü ilin oktyabr ayından Qəzzada həyata keçirdiyi əməliyyatlar nəticəsində ölənlərin sayı 41 870-ə yüksəlib, daha 97 166 nəfər yaralanıb”, – idarənin xülasəsində deyilir. Qəzza Səhiyyə Nazirliyi əlavə edib ki, “son 24 saat ərzində İsrailin Qəzzanın müxtəlif bölgələrini atəşə tutması və bombalaması nəticəsində 45 fələstinli ölüb, 256 nəfər yaralanıb”.
Nazirlik həmçinin qeyd edib ki, İsrailin köçkünlərin yerləşdiyi mərkəzi Qəzza zolağında bir məktəb və məscidə gecə ərzində endirdiyi zərbələr nəticəsində ölənlərin sayı 26-ya çatıb, “onlarla insan yaralanıb”. Qurbanların sayı barədə dəqiq məlumat verilmir. Bundan əvvəl “Əl-Cəzirə” 24 nəfərin öldüyünü, 93 nəfərin yaralandığını bildirmişdi. (Tass)