İsrail ordusunun 2023-cü ilin oktyabrından Qəzza zolağında həyata keçirdiyi hərbi əməliyyatlar nəticəsində 30 mindən çox insan həlak olub. Bu məlumatı Fələstin anklavının Səhiyyə Nazirliyi təqdim edib.
“İsrail qüvvələrinin Qəzzada keçirdiyi hərbi əməliyyatın qurbanlarının sayı hazırda 30 035 nəfərə çatıb”, – nazirliyin verdiyi açıqlamada deyilir. Səhiyyə Nazirliyinin məlumatına görə, 70 457 fələstinli yaralanıb.
Təkcə son 24 saat ərzində İsrail qüvvələrinin yaşayış məntəqələrini bombalaması və atəşə tutması nəticəsində sektorda 81 nəfər ölüb, 132 nəfər yaralanıb. (Tass)
