Hərbi əməliyyatlar başlayandan indiyədək 33,3 mindən çox insan İsrailin Qəzza zolağında hərəkətlərinin qurbanı olub. Bu barədə Fələstin anklavının Səhiyyə Nazirliyi məlumat yayıb.
“İsrailin Qəzza zolağına təcavüzü nəticəsində indiyədək ölənlərin sayı 33 360 nəfərdir”, – bəyanatda deyilir.
Səhiyyə Nazirliyinin məlumatına görə, anklavın müxtəlif ərazilərinin atəşə tutulması və bombalanması zamanı 76 minə yaxın insan xəsarət alıb. Təkcə son 24 saat ərzində İsrail ordusunun sektora hücumları nəticəsində 153 fələstinli həlak olub, 60 nəfər yaralanıb.
Fələstin radikal HƏMAS hərəkatının yaraqlılarının 2023-cü il oktyabrın 7-də Qəzza zolağından İsrail ərazisinə sızmasından, sərhəd yaşayış məntəqələrinin sakinlərinin öldürülməsi və əsirlərin girov götürülməsindən sonra Yaxın Şərqdə vəziyyət kəskin şəkildə pisləşib. İsrail Fələstin anklavına, Livan və Suriyanın bəzi hissələrinə qarşı qisas almağa başladı. 2023-cü il dekabrın 1-də İsrail ordusu HƏMAS-ı noyabrın 24-dən qüvvədə olan atəşkəsi pozmaqda ittiham edərək Qəzza zolağında hərbi əməliyyatlara qayıtdığını elan edib. Fələstin Administrasiyası İsrailin yeni təcavüzündə ABŞ-ı günahlandırıb.
(Tass)
