Son bir il ərzində blokadada olan Qəzza zolağında 41,9 mindən çox fələstinli İsrail Müdafiə Qüvvələrinin hücumlarının qurbanı olub, onların 60%-dən çoxu qadın və uşaqlardır. Bu məlumatı Fələstin anklavının Səhiyyə Nazirliyi yayıb.
Onun rəsmi teleqram kanalında dərc olunan məlumata görə, “il ərzində qurbanların ümumi sayı 41 909 nəfərə çatıb, onların 60%-dən çoxu qadın və uşaqlardır”. Eyni zamanda Qəzzada 97 303 nəfər müxtəlif dərəcəli xəsarətlər alıb. Departamentdən bildirilib ki, son 24 saat ərzində anklavda “İsrail qüvvələrinin təcavüzü nəticəsində 39 nəfər ölüb, 137 nəfər yaralanıb”.