Qəzza zolağında 1,5 milyona yaxın köçkün hazırda sığınacaqlarda yaşayır. Bu barədə Qətərin Əl-Cəzirə telekanalına anklav hökuməti məlumat verib.
“Qəzza zolağında 1,5 milyon köçkün sığınacaqlarda, o cümlədən məktəb və xəstəxanaların ərazisində qurulmuş sığınacaqlarda yaşayır”, – kanalın həmsöhbəti qeyd edib. Hökumətin qeyd etdiyi kimi, “İsrailin Qəzza zolağına təcavüzü başlayandan bəri 10 328 nəfər həlak olub, 25 956 nəfər yaralanıb”. Eyni zamanda 4237 uşaq hücumların qurbanı olub.
“Təcavüz başlayandan bəri Qəzza zolağına 30 min tondan çox partlayıcı atılıb. Bu günə qədər 40 min yaşayış məntəqəsi tamamilə dağıdılıb”, – mənbə Əl-Cəzirə telekanalına bildirib.
“Ölənlərin 46%-i Qəzza zolağının cənub bölgələrindəndir, işğalçı [İsrail] onları təhlükəsiz adlandırır”, o, yekunlaşdırıb. (Tass)