İsrailin blokadası altında olan Qəzza zolağında aclığın şiddətlənməsi səbəbindən 700 mindən çox insan ölüm təhlükəsi ilə üzləşib. Bu barədə Fələstin anklavı hökumətinin Rusiya, Çin və Türkiyəyə sektordakı blokadanın aradan qaldırılmasına köməklik göstərilməsi xahişi ilə müraciət edən mətbuat xidmətinin bəyanatında deyilir.
“Təxminən 2 milyon 400 min insanın yaşadığı Qəzza zolağının əyalətlərində, xüsusilə Qəzza və Şimali Qəzza əyalətlərində aclıq hər gün daha da pisləşir ki, bu da 700 mindən çox fələstinlinin ölümünə səbəb ola biləcək humanitar fəlakət təhlükəsi yaradır. ”, – deyə mətbuat məlumat yayıb.
“Biz Rusiya, Çin, Türkiyə , Ərəb Liqası, İslam Əməkdaşlıq Təşkilatı, Körfəz Əməkdaşlıq Şurasını Qəzza zolağının blokadasını təcili olaraq aradan qaldırmağa və Fələstin xalqının aclığını dayandırmağa çağırırıq”, – deyə bəyanatda deyilir.
Fələstin anklavı hökumətinin mətbuat xidməti də humanitar fəlakətin qarşısını almaq üçün növbəti iki gün ərzində 10 min yük maşını yardım göndərilməsini istəyib.