Handikap İnternational təşkilatının Qəzza şəhərindəki ofisi bombalı hücum nəticəsində dağıdılıb. Əlillərin hüquqlarının müdafiəsi təşkilatının Cenevrədəki qərargahı bu barədə məlumat verərək, binanın koordinatlarının BMT və İsrailin bildiriş sistemlərinə ötürülməsinə baxmayaraq, təhlükə ilə bağlı heç bir xəbərdarlıq almadığını qeyd edib.
“Qəzza şəhərinin Rimal bölgəsində yerləşən Handikap İnternational ofisi 2024-cü il yanvarın 31-də baş verən partlayış zamanı dağıdılıb. Bina tamamilə dağılıb”, – təşkilat qeyd edib.
Handikap İnternational işçiləri partlayış zamanı “orada olmayıb”. Təşkilatın “bölgədəki digər qurbanlar haqqında” heç bir məlumatı yoxdur. Handikap İnternational heç bir həyəcan siqnalı və ya xəbərdarlıq almadığını vurğulayıb, “baxmayaraq ki, binanın koordinatları humanitar obyektlərə təsadüfən hücumların qarşısını almaq üçün BMT və İsrail qüvvələri tərəfindən qurulan bildiriş sisteminə lazımi qaydada ötürülüb”. (Tass)