HƏMAS-ın silahlı qanadı İzzəddin əl-Qəssam Briqadalarının oktyabrın 7-də səhər saatlarında “Əqsa tufanı” adlı hərtərəfli hücuma keçməsindən sonra İsrailin Qəzzaya hücumları davam edir.
AA müxbiri Rusiya-Ukrayna müharibəsinin başladığı 2022-ci il fevralın 24-dən və oktyabrın 7-dən Qəzzada həlak olan mülki itkiləri toplayıb.
Qəzzadakı Fələstin Səhiyyə Nazirliyinin məlumatına görə, İsrail bir aydır həyata keçirdiyi hücumlarda 4104-ü uşaq və 2641-i qadın olmaqla 10.022 fələstinlini öldürüb, ən azı 24.000 nəfər isə yaralanıb.
İşğal altındakı İordan çayının qərb sahili və Qüdsdə İsrail qüvvələri və yəhudi köçkünlər 155 fələstinlini qətlə yetirib.
Rusiyanın Ukraynada 24 fevral 2022-ci ildə başlatdığı müharibədən 620 gün keçdiyi halda, Rusiya prezidenti Vladimir Putinin göstərişi ilə müharibə başlayandan 8 oktyabr 2023-cü ilə qədər 9 min 806 dinc sakin həlak olub.
Buna görə də 31 gündə Qəzzada öldürülən mülki vətəndaşların sayı Ukraynada öldürülən mülki vətəndaşların sayından çox olub. Qəzzada bir ay kimi qısa müddətdə Rusiya-Ukrayna müharibəsi dövründəkindən daha çox mülki itki verməsi İsrailin hücumlarının şiddətini ortaya qoydu.