Qəzza şəhərinə daxil olan İsrail əsgərləri radikal HƏMAS hərəkatının hərbi qanadı olan İzzəddin əl-Qəssam briqadasının silahlıları ilə şiddətli atışmalara başlayıb. Al Mayadeen telekanalının verdiyi məlumata görə , İsrail tankları indi Qəzzanın Əl-Cal şəhərinin mərkəzi küçəsini atəşə tutub.
Onun məlumatına görə, zirehli texnika bir neçə şəhər xəstəxanalarına – Ən-Nasr, Əl-Rantisi, Əl-Uyun və digərlərinə gedən keçidləri bağlayıb. İsrail qüvvələrinin qabaqcıl dəstəsi Əl-Şifa xəstəxanasına yaxınlaşır.
Telekanalın məlumatına görə, daha əvvəl onun ətrafına hava zərbəsi endirilib. Nəticədə 13 nəfər həlak olub, onlarla insan yaralanıb. Əl-Qüds xəstəxanasının yerləşdiyi ərazinin bombalanması ilə bağlı məlumat daxil olub.
Əl-Şifa xəstəxanasının direktoru Midhat Abbas Əl Mayadeen-ə deyib ki, hazırda Qəzza xəstəxanalarında dərman, su və yeməksiz minlərlə insan var. “Binalarda sığınan xəstələri və qaçqınları təxliyə edə bilmirik, çünki bütün yollar bağlanıb”. (Tass)