HƏMAS ilə müvəqqəti atəşkəs başa çatdıqdan sonra Qəzzaya hücumlarını bərpa edən İsrail ordusu Cibaliye qaçqın düşərgəsini nəzarətə götürmək üzrədir. Təxminən 4 saat əvvəl Cibaliyedəki Birləşmiş Millətlər Təşkilatının məktəblərində İsrail ordusu tərəfindən 100 nəfərin çılpaq və əlləri arxadan bağlanaraq əsir götürüldüyü öyrənilib və bu şəxslərin küçədə aparılan axtarışlardan sonra naməlum ünvana aparıldığı bildirilib.
Adının açıqlanmasını istəməyən bir İsrail rəsmisi yerli mətbuata bildirib ki, sabahdan etibarən Cibaliyə qaçqın düşərgəsinin tamamilə İsrail ordusunun nəzarətinə keçəcəyini gözləyir. İsrail son bir həftədir ki, Cibaliye Qaçqınlar Düşərgəsi də daxil olmaqla əhalinin sıx məskunlaşdığı ərazilərə həm havadan, həm də artilleriya atəşi ilə hücum edir. Birləşmiş Millətlər Təşkilatının məlumatına görə, müharibədən əvvəl bölgədə 116 min insan yaşayırdı.