Qaqauziya Xalq Məclisi (parlamenti) çərşənbə axşamı Kişinyov məhkəməsi tərəfindən müxalifətdə olan “Şor” partiyasının maliyyələşdirilməsində pozuntular törətməkdə ittiham edilərək 7 il müddətinə azadlıqdan məhrum edilən muxtariyyət rəhbəri Yevgeniya Qutsulun azadlığa buraxılması və işinin obyektiv araşdırılmasını tələb edən qətnamə qəbul edib. Bu barədə TASS-a iclasdan sonra parlamentin hüquq məsələləri üzrə komissiyasının üzvü İvan Dimitroqlo məlumat verib.
“Biz rəsmi olaraq mərkəzi orqanlara müraciət etmişik ki, Apellyasiya Palatasından Yevgeniya Qutsulun işinin materiallarını obyektiv araşdırsın, onun ən azı şərti olaraq azadlığa buraxılması və cəzaçəkmə müəssisəsində saxlanmaması imkanları olsun”, – Dimitroqlo bildirib. Onun sözlərinə görə, qərar qanunverici orqanın növbədənkənar iclasında səs çoxluğu ilə təsdiq edilib və bir sıra dəyişikliklər edildikdən sonra dərc olunacaq. (Tass )